الفصل العاشر
كان يجلس احمد الحارونى بالقصر الخاص به ومعه زوجاته فهو متجوز من امرأتين الأولى تكون ابنة عمه فاتن التى تزوجها فى الأول وتكون أخت لمحمد الحارونى ،فالكل يعلم ان محمد الحارونى أخ للأحمد ولكن الحقيقة فهو أبن عمه ، ام عن الزوجة الثانية فهى امانى والتى زوجتها له فاتن وهى ايضا من اختارتها لتكون زوجة له بأرادتها وعاشوا مع بعضهم حتى أصبحوا اكثر من أخوة
سألت فاتن أحمد عن سبب شروده
_ مالك يا احمد سرحان فى ايه
= حاسس بقبضه فى قلبى مش مطمنانى
_ ليه بتقول كده
_ مش عارف بس احساسى كده
= يا حبيبى ده من كل اللى مرينا بيه طول السنين اللى فاتت انت نسيت طعم الفرح وبقيت خايف من كل حاجه
= جايز يكون كلامك صح
ردت عليه امانى قائلة
_ انسى يا احمد كل الوحش اللى شوفناه وخلينا نفرح شويه ده فرح ريهام وجابر اخر الاسبوع
= انا مش مصدق ان خلاص الفرح بعد اسبوع الجوازه دى طلعت عينى طول السنين اللى فاتت
_ مش انت وجابر اللى عملتوا المسلسل ده ولعبتوا بأعصابنا طول السنتين اللى فاتوا
= يعنى هو بمزاجنا كل حاجه كانت غصب عننا
فردت عليه فاتن
_ الحمد لله الحكايه خلصت على خير
ثم اتبعت امانى ام سليم ابنه
_ اكتر حاجه بسطانى ان سليم رجع زى زمان وخرج من الحاله اللى كان فيها
_ من يوم ما شاف جابر تانى بقى مبسوط وبيلعب زى ما كان
= دى كانت اكتر حاجه انا شايل همها وكنت حاسس بالذنب
احس أحمد ان سليم ليس موجودا فسألهم
= هو سليم فين مش ظاهر من الصبح
ردت عليه فاتن
_ قاعد عند ابويا من الصبح بيلعب مع فاتن الصغيره انت عارف من يوم ما امى ماتت وابويا مجمع العيال عنده اليوم كله
= طب كويس احنا كنا فين وبقينا فين كويس ان ابوكى خرج من حالة الحزن اللى كان فيها من بعد المرحومه
_ عندك حق انا كنت شايله همه
سألته امانى مستفسرة
_ صح يا احمد هو جابر هيرجع امتى من امريكا
= هيرجع بكره
_ ليندا هتيجى معاه
= مش عارف بصراحه وماحبيتش اسأله ليفتكر ان احنا مش عاوزينها تيجى
فردت عليه فاتن
_ ليه يعنى دى مهما كانت مراته برضه
= انا ماحبيتش احرجه
_ تحرجه ليه هو اول واحد يتجوز على مراته
فأتبعت امانى فى ردها ولكنه ممزوج بغيرة الزوجة من الكلام
_ قصدك ايه يابت ، انتى ناسيه انك انتى اللى مجوزانى احمد ولا ايه
_ بطلى هبل يابت انتى انا قصدى انها حاجه عاديه معملش حاجه عيب ولا حرام
_ اه بحسب
_ لا احسبى كويس وبعدين انا بعتبرك اختى بالظبط وسرى كله معاكى انتى
_ ما انا كمان سرى معاكى عشت طول عمرى نفسى يبقالى اخت وربنا عوضنى بيكى وربنا وحده يعلم انا بحبك ازاى
_ وانا كمان والله بحبك
رد عليهم احمد بعد وصلة المدح ذلك
= اجمل حاجه بجد انكم متفاهمين مع بعض وحابين بعض مع انى كنت خايف تكرهوا بعض
فأتبعت فاتن بحكم انها الكبيرة والزوجة الأول.
_ يا حبيبى الحياه مش مستاهله اننا نكره ونعمل مشاكل الحياه ابسط من كده بكتير
= بمناسبة الكلام الحلو ده اعملوا حسابكم انتوا الاتنين بعد الفرح ناخد الاولاد ونسافر فى حته
_ بجد يا احمد
= ايوه بجد شوفوا انتوا عاوزين تروحوا فين وانا تحت امركم
_ حبيبى يا احمد
= طب اسيبكم انا دلوقتى
_ رايح فين
= نازل المكتب معايا شوية هخلصه بسرعه وارجعلكم تانى
_ ماشى يا حبيبى
من ناحية أخر كان سعيد قد اتفق مع مريم أنهما يخرجان بعدما ينتهى من عمله ، وبالفعل انتهى من العمل وذهب إلى الفيلا ابدل ملابسه واخذها وذهبوا إلى مول العرب ، وبعد جولة طويلة ذهبوا فيها الى محلات عدة ، قررو أن يدخلون السينما فحجز سعيد تزكرتين ولكنهم متبقى امامهم ما يقارب الساعة ونصف قررو أن يجلسوا قليلا فى كافيه ، وهم جالسين كانت مريم تنظر كثيرا إليه تريد معرفة ما اخله لماذا يحدث نفسه كثيرا فحاولت سؤاله ..
_ مالك يا سعيد شكلك مش مبسوط كده ليه
= ليه بتقولى كده
_ مش عارفه انا حاسه بكده
= لا بيتهيألك
_ انت لسه بتحب سارة
= لا ابدا اللى كان بينى وبين سارة مش حب تقدرى تقولى ارتياح او اعجاب لكن مش حب خالص
_ طب ليه رافض فكرة الجواز
= مين قال انى رافض ، انا بس مشغول فى الشركه ومش مركز فى الموضوع ده
_ يبقى انت لسه بتحب ياسمين
نظر إليها سعيد ولم يرد عليها
_ ساكت ليه ايه جيت على الجرح ولا انا غلط
= انا مش هكدب واقول انى مش بحب ياسمين بس دى علاقه مستحيله انها تتم
_ علشان رفضتك قبل كده ولا علشان اتخطبت لصاحبك
= علشان وافقت انها تكون سبب فى تفريق اتنين اصحاب
_ ازاى يعنى
= ياسمين كانت عارفه ان انا واسامه اكتر من مجرد اتنين اصحاب وبالرغم من كده وافقت على اسامه وهى متاكده ان الموافقه دى هتخسرنا بعض طول العمر ، يعنى اسامه لو مماتش كان زمانه متجوز ياسمين وكان هيخسرنى للأبد عارفه لو ياسمين رفضت اسامه زى ما رفضتنى كان اسامه فضل عايش وكنا هنتصالح انا وهو مع الأيام ومكانش حصلت كل المشاكل دى
_ كلامك الى حد ما منطقى بس انت فعلا كنت عاوز تصالح اسامه
= هتصدقينى لو قولتلك انى اصلا ماكنتش زعلان من اسامه
_ ازاى يعنى
= فى الاول كنت زعلان من اسامه لكن بعد ما سيبت البلد قعدت افكر مع نفسى وحطيت نفسى مكان اسامه وعرفت ليه اسامه عمل كده
_ عمل كدا ازاى يعنى مش فاهمة
= اسامه كان بيدور على مصلحته ، اسامه عاش طول عمره متدلع من ابوه وامه وكل طلباته اوامر غير قابله للنقاش ، شئ طبيعى انه يبقى انانى وميفكرش غير فى مصلحته ومش مهم اى حاجه تانى بس لما كبر وخلص جامعه وبقى عاطل زى شباب كتير مش لاقيه شغل ده غير ان ابوه رفض يبيع حتة ارض علشان يفتحله المشروع اللى كان بيحلم بيه ، ده غير ان مصطفى اتخرج من كلية الشرطه وبقى ظابط وشاف الناس بقيت تعامله ازاى ، الناس فى الاول كانت بتعامل مصطفى باحترام علشان هو ابن الحاج على العصار العمده لكن دلوقتى بيحترموه علشان بقى الظابط المهم ، ومن ناحيه تانيه كانت الناس فى البلد بتحبنى علشان كنت بساعدهم وواقف معاهم لكن اسامه محدش شايفه ولا مهتم بيه ، الناس تعرف ابوه وتحترمه ويعرفوا مصطفى ويعرفونى ويحترمونا لكن اسامه شفاف بالنسبالهم ، كل ده عمل عقده لأسامه وكان عاوز يعوض النقص اللى كان جواه وهو مش حاسس ، علشان كده مقدرش الوم اسامه على اى حاجه عملها ، اسامه كان مريض نفسى وكان واجب علينا اننا نعالجه
نظرت اليه مريم فى ابهار مما يقوله وما بداخله من سلام نفسي فاتبعت قائلة
_انت ازاى كده
= كده ازاى يعنى
_ بتلتمس الأعذار لكل الناس حتى اذاك
= علشان متصالح مع نفسى
_ انت عندك كمية سلام نفسى مش عند اى حد
= متبالغيش اوى كده
_ صدقنى مش ببالغ انا بتكلم بجد ، انت انسان مثالى زياده عن اللزوم وقلبك صافى زى اللبن الحليب
= ماشى يا ستى شكرا على المجامله ، يلا بينا بقى علشان الفيلم هيبدأ
_ ماشى يا سليم يلا بينا
مر اسبوع لم يحدث فيه شيئا الكل يجهز نفسه لتلك المناسبة فرح جابر وريهام ، سافر سعيد بصحبة بنات عمه ومعهم مصطفى صديقه وزوج لمياء ، بعدما وصلوا للبلد كان سعيد يريدهم ان يجلسو بمنزل قد أعده لهم ولكن الحاج على والد مصطفى اصر كل الأصرار على أن يجلسوا بمنزله وبفالعل هذا ما حدث
وفى اليوم التالى وهما جالسين على مائدة الطعام كانوا يتحدثون ، فكانت والدة مصطفى مهتمة كثيرا بلمياء نظرا لحملها وأنها سوف تأتى لها بأول حفيد فى عائلة الحاج على العصار قال لها مصطفى فى مزحة ..
_ جرى ايه يا امى هو مفيش غير لمياء اللى مرحبه بيها على فكره انا كمان ابنك وبقالى مده ماشوفتكش
= انت قلبى من جوه يا حبيبى
فرد عليها سعيد فى مداعبة
_ مش عارف ليه يا عمتى مش مصدقك
= هقوملك يا واد
_ لا خلاص الطيب احسن
= ايوه كده اتعدل
_ وحشتينى يا ست الكل والله
= انت كمان وحشتنى اوووى يا سعيد
رد عليه الحاج على
_ ايه اخبارك يا سعيد يابنى واخبار شغلك
= والله يا حاج كله ماشى تمام
فاتبعت والدة مصطفى
_ مقولتليش يا لمياء هتولدى امتى
لم تعرف ماذا تقول لمياء فتاهت فالكلام وقالت
= هاه قريب قريب
_ ايه هو اللى قريب ده
فأتبع سعيد فى داعبة اخرى
= متحرجيهاش يا عمتى بقى ، اصل هى مكسوفه ما تقولك انها مش عارفه فى الشهر الكام اصلا
_ هو ده كلام برضو
حاول مصطفى لملمة الامر وراء سعيد
_ سعيد بيهزر يا امى لمياء فى نص التاسع
فردت لمياء بكل تلقائية
_ ايه ده بجد
ضحكوا جميعا على ردها ثم اتبع مصطفى قائلا
_ الله يخرب بيتك اسكتى انا بستر عليكى
= خلاص ياعم ماتزوقش
رد عليهم الحاج على بعدها
_ ربنا يخليكم لبعض ديما
= ويخليك لينا يا حاج
ثم اتبع سعيد
_ مش هينوبنا حاجه احنا كمان من فقرة الأدعيه دى
= تصدق باللة انا لسه كنت هدعيلك بس انت ما تستاهلش
_ كده يا عمى ده انا حبيبك برضه
= على فكره يا مريم انا قرأت الروايه بتاعتك
فردت عليه مريم
وايه رأى حضرتك
_ بصراحه هى روايه جميله جدا بس مش شايفه انك مبالغه شويه مع الزفت ده ومطلعاه ملاك بجناحات
= ليه كده يا حاج هو انت شايفنى شيطان
فاكلمت مريم
= بالعكس يا عمى انا شايفه انى ظلمت سعيد وما اديتهوش حقه ، سعيد اطيب واحن من كده بكتير
_ قصدك سعيد ده
= ايوه يا عمى سعيد دا ، سعيد اللى حبنا بالرغم معاملتنا الوحشه ليه ، سعيد اللى وقف معانا برغم كل القرف اللى شافه مننا ، سعيد اللى مدلنا ايده فى الوقت اللى كنا بنقول عليه انه نصاب وحرامى وجاى طمعان فى فلوسنا ، سعيد انضف واطيب واحن من اى كلمه ممكن تتقال
نظر الحاج على بعدها إلى سعيد وقال
_ ايه الكلام ده كله ياعم سعيد
= هى مريم بتبالغ شويه
فردت عليهم شيرين بعدها
= لا يا سعيد مريم بتقول الحقيقه انا اكتر واحده كنت كرهاك من اول يوم شوفتك فيه بس اللى انت عملته معانا واللى شوفناه منك عرفنا قد ايه احنا كنا ظالمينك ، سامحنى يابن عمى معلش
_ علشان اسامحك لازم اكون زعلان منك وانا اصلا عمرى ما زعلت منك
رد عبيهم الحاج على قائلا
= كفايه جو الدراما ده ويلا بينا نتغدى
_ يااه انت لسه فاكر ده انا قولت ان احنا هنقضيها كلام ومش هناكل
= تصدق يا سعيد انت هتخلينى اطردك من البيت من غير غداء
_ طب اهون عليك يرضيك اخرج من بيتك من غير غداء
فاتبعت والدة مصطفى
= هو يقدر يعملها ده انت الغالى
_ ايوه كده يا عمتى يا مدلعانى
= حبيبى انت يا سعيد والله
_ طب يلا بينا ناكل بسرعه يلا علشان معايا مشوار مهم بعد الأكل
رد عليه مصطفى قايلا
= رايح فين
_ بعد الاكل هتعرف علشان انت كمان جاى معايا
= فهمنى بس رايحين فين
_ رايحين نسد الدين
= دين ايه ده انا مش فاهم حاجه
_ رايحين نزور الحاج عزت والحاجه فاطمه من يوم جنازة اسامه واحنا يعتبر مش بنزورهم
= عندك حق احنا مقصرين مع اهل اسامه
فرد عليه الحاج على تلك المرة
_ مش عارف اقولك ايه يا سعيد راجل يابنى ومن ضهر راجل
= تربيتك يا عمى
_ مخيبتش ظنى فيك من يوم ما ربيتك
= طب يلا بينا نتغدى علشان نلحق مشوارنا
_ يلا بينا
انتهزا من العذاء وذهب مصطفى وسعيد لكى يزورا الحاج عزت وزوجته الذى حينما رأهم كانما ردت إليه روحه واخذهم بالاحضان والسلامات وظل يحتضنهم حتى تعب واخذهم وجلسوا ، بعدها قال سعيد
_ سامحنى يا عمى لو كنت قصرت معاك انت وعمتى
= هو مين اللى يسامح مين يابنى
_ هو فى ابن يزعل من ابوه برضه ياحاج انت ابويا اللى اتربيت فى بيته وكنت دايما بتعتبرنى ابنك
رد عليه الحاج عزت فى ندم شديد
= ليه اسامه مطلعش زيك انت ومصطفى مش انتوا متربيين مع بعض
فاتبع مصطفى قائلا
_ انسى يا عمى كل اللى فات وخلينا نبدأ صفحه جديده
= هو النسيان ده حاجه ساهله يابنى
فرد عليه سعيد فى هدوء
_ مين قال ان النسيان حاجه ساهله بس احنا نقدر نتخطى كل حاجه مع بعض
فاكد كلامه مصطفى قبل ان يرد الحاج عزت
= بالظبط كده
_ عارفين يا ولاد انتوا النهارده رديتوا فيا الروح من تانى من يوم اللى حصل والناس فى البلد بتتجنبنى مفيش حد بيزورنى غير الحاج على ، الناس بتعاملنى على انى جرب خايفين يتعدوا منى
= متقولش كده يا عمى انت اشرف وانضف من كل اهل البلد ومسير الناس تفوق وترجع لعقلها
_ يخليك يا ابنى
ساله مصطفى عن الحاجة فاطمة
_ امال عمتى فين
= قاعده فى اوضة المرحوم من ساعة اللى حصل ومش بتخرج منها خالص
_ طب هى كويسه
=والله يا ابنى كل يوم بحال ، وقت تبقى كويسه ووقت تانى تعبانه
_ طب ممكن نشوفها
= طب تعالوا معايا
رد عليه سعبد
_ لا روح حضرتك وبلغها وبعد كده احنا جايين وراك
= تعالوا يا بنى انتوا مش اغراب وبعدين هى مش لوحدها
_ مين معاها
= امنيه بنت اخويا بتيجى تقضى معاها اليوم كله
_ طب كويس ان امنيه بتجيلها تقعد معاها
= تعالوا معايا
صعد مصطفى وسعيد إلى السام لكى يصلون إلى غرفة اسامة ، كان طوال الصعود والمشى بالمنزل ينظر سعيد ومصطفى إلى بعضهم يتزكرون زريات طفولتهم هذا المنزل الذى جمعهم ثلاثة ، هذا المنزل وهذه الغرفة التى تحتوى على اكثر من نصف زكرياتهم كانوا يتمالكون انفهم رغما عنهم فهم اتيين لكى يخففو وطاة الموقف على الحاجة فاطمة فلا ينبغى أن تنخر أعين احدا منهم ..
وصلوا إلى باب غرفة اسامة وبعدها دخل الحاج عزت بعدما طرق الباب ، وأبلغ الحاجة فاطمة أن هناك اناس غاليين يريدون الدخول وما أن وقفت لكى تعدل من هندامها وتعدل من هيئتها فنظرت للقادمين وجدت سعيد ومصطفى امطرت عيناها بالدموع وهى تركض بأتجاههم وتحتضنهم بشدة ، بكت كثيراً الحاجة فاطمة وهى تضم الاثنين إلى حضنها وتشكر الله على وجودهم امامها فى تلك اللحظة
حاول سعيد تهدئتها فقال
_ كفايه يا عمتى كفاية دموعك غالية أوى
نظرت اليه الحاجة فاطمة وقالت
= انا كنت متاكده ان ربنا مش هينسانى وهيعوضنى عن اللى راح منى
_ ايه اخبار صحتك يا عمتى
_ بقيت كويسه لما شوفتكم يا ابنى
نظر سعيد إلى امنية والقى عليها سلامه
= ازيك يا امنيه
_ الحمد لله كويسه انتوا اخباركم ايه انت ومصطفى وبنات عمك
= الحمد لله كويسين ايه اخبار الحاج كامل والدك
_ الحمد لله بخير بس مش غريبه ان انتوا جايين امبارح بليل
= وايه الغريب يعنى الحاج عزت ابويا والحاجه فاطمه امى واتربينا فى البيت ده
_ اصيل يا سعيد ، دى حاجه مش غريبه عليك
= ربنا يخليكى يارب يا امنية
اتبع بعدها مصطفى موجها كلامه للحاجة فاطمة
_ فوقى كده يا عمتى صحتك عندنا بالدنيا
= وهعمل بيها ايه صحتى دى
_ ايه اللى بتقوليه ده ، انتى مش عارفه غلاوتك عندنا ولا ايه
= انتوا اللى غاليين عندى أوى يابنى
_ ربنا يخليكى لينا ومايحرمنا منك
= صحيح ، مبروك يا مصطفى عرفت انك اتجوزت
_ ايوه يا عمتى اتجوزت بنت عم سعيد
= الف مبروك يا ابنى ، وياترى عروستك حلوه
_ حلوه وزى القمر كمان ، يوم كده ولا اتنين وهجيبها تسلم عليكى بس هى تعبانه شويه
= خير يابنى سلامتها
_ احنا وصلنا من القاهره الساعة ٢١ بليل والحمل تاعبها
= هى حامل كمان دا ايه الاخبار الحلوة دى ، الف مبروك يا حبيبى وربنا يفرحك دايما
_ تسلميلى يا عمتى
= وانت يا سعيد مش ناوى تتجوز ولا ايه
_ لا انا الموضوع ده مش فى دماغى دلوقتى
= ليه بتقول كده يا ابنى
_ انا كل تركيزى دلوقتى فى شغلى وبنات عمى ولما اتطمن عليهم ابقى اتجوز براحتى
= اسمع نصيحتى يا ابنى الشغل عمره ما هيخلص وبنات عمك عمر ما مشاكلهم ما هتخلص فوق لروحك قبل ما العمر يجرى بيك ومتلحقش تعيش حياتك الحياه قصيره واقصر مما تتخيل
ؤد عليها مصطفى قائلا
_ عندك حق يا عمتى انا بقالى كتير بكلمه فى الموضوع ده وهو ولا كأنه سامع منى حاجه
= لا يا سعيد لازم تفكر فى الكلام ده كويس وبعدين علشان تلحق تخلف عيل تفرح بيه ويبقالك عزوه
_ حاضر يا عمتى
= بس لما تخلف ياريت ماتدلعش ابنك بزياده وخليه راجل ، راجل بجد والكلام ده ليك يا مصطفى ربوا عيالكم وعلموهم صح وعلموهم يحبوا الناس ويحبوا الخير ، علم ابنك انه عايش وسط ناس مش فى غابه ، علم ابنك انه مايبقاش انانى كل همه مصلحته ، علمه ازاى يساعد الناس ، فاهمنى يا ولاد
_ فاهمينك يا عمتى
سألت فاتن أحمد عن سبب شروده
_ مالك يا احمد سرحان فى ايه
= حاسس بقبضه فى قلبى مش مطمنانى
_ ليه بتقول كده
_ مش عارف بس احساسى كده
= يا حبيبى ده من كل اللى مرينا بيه طول السنين اللى فاتت انت نسيت طعم الفرح وبقيت خايف من كل حاجه
= جايز يكون كلامك صح
ردت عليه امانى قائلة
_ انسى يا احمد كل الوحش اللى شوفناه وخلينا نفرح شويه ده فرح ريهام وجابر اخر الاسبوع
= انا مش مصدق ان خلاص الفرح بعد اسبوع الجوازه دى طلعت عينى طول السنين اللى فاتت
_ مش انت وجابر اللى عملتوا المسلسل ده ولعبتوا بأعصابنا طول السنتين اللى فاتوا
= يعنى هو بمزاجنا كل حاجه كانت غصب عننا
فردت عليه فاتن
_ الحمد لله الحكايه خلصت على خير
ثم اتبعت امانى ام سليم ابنه
_ اكتر حاجه بسطانى ان سليم رجع زى زمان وخرج من الحاله اللى كان فيها
_ من يوم ما شاف جابر تانى بقى مبسوط وبيلعب زى ما كان
= دى كانت اكتر حاجه انا شايل همها وكنت حاسس بالذنب
احس أحمد ان سليم ليس موجودا فسألهم
= هو سليم فين مش ظاهر من الصبح
ردت عليه فاتن
_ قاعد عند ابويا من الصبح بيلعب مع فاتن الصغيره انت عارف من يوم ما امى ماتت وابويا مجمع العيال عنده اليوم كله
= طب كويس احنا كنا فين وبقينا فين كويس ان ابوكى خرج من حالة الحزن اللى كان فيها من بعد المرحومه
_ عندك حق انا كنت شايله همه
سألته امانى مستفسرة
_ صح يا احمد هو جابر هيرجع امتى من امريكا
= هيرجع بكره
_ ليندا هتيجى معاه
= مش عارف بصراحه وماحبيتش اسأله ليفتكر ان احنا مش عاوزينها تيجى
فردت عليه فاتن
_ ليه يعنى دى مهما كانت مراته برضه
= انا ماحبيتش احرجه
_ تحرجه ليه هو اول واحد يتجوز على مراته
فأتبعت امانى فى ردها ولكنه ممزوج بغيرة الزوجة من الكلام
_ قصدك ايه يابت ، انتى ناسيه انك انتى اللى مجوزانى احمد ولا ايه
_ بطلى هبل يابت انتى انا قصدى انها حاجه عاديه معملش حاجه عيب ولا حرام
_ اه بحسب
_ لا احسبى كويس وبعدين انا بعتبرك اختى بالظبط وسرى كله معاكى انتى
_ ما انا كمان سرى معاكى عشت طول عمرى نفسى يبقالى اخت وربنا عوضنى بيكى وربنا وحده يعلم انا بحبك ازاى
_ وانا كمان والله بحبك
رد عليهم احمد بعد وصلة المدح ذلك
= اجمل حاجه بجد انكم متفاهمين مع بعض وحابين بعض مع انى كنت خايف تكرهوا بعض
فأتبعت فاتن بحكم انها الكبيرة والزوجة الأول.
_ يا حبيبى الحياه مش مستاهله اننا نكره ونعمل مشاكل الحياه ابسط من كده بكتير
= بمناسبة الكلام الحلو ده اعملوا حسابكم انتوا الاتنين بعد الفرح ناخد الاولاد ونسافر فى حته
_ بجد يا احمد
= ايوه بجد شوفوا انتوا عاوزين تروحوا فين وانا تحت امركم
_ حبيبى يا احمد
= طب اسيبكم انا دلوقتى
_ رايح فين
= نازل المكتب معايا شوية هخلصه بسرعه وارجعلكم تانى
_ ماشى يا حبيبى
من ناحية أخر كان سعيد قد اتفق مع مريم أنهما يخرجان بعدما ينتهى من عمله ، وبالفعل انتهى من العمل وذهب إلى الفيلا ابدل ملابسه واخذها وذهبوا إلى مول العرب ، وبعد جولة طويلة ذهبوا فيها الى محلات عدة ، قررو أن يدخلون السينما فحجز سعيد تزكرتين ولكنهم متبقى امامهم ما يقارب الساعة ونصف قررو أن يجلسوا قليلا فى كافيه ، وهم جالسين كانت مريم تنظر كثيرا إليه تريد معرفة ما اخله لماذا يحدث نفسه كثيرا فحاولت سؤاله ..
_ مالك يا سعيد شكلك مش مبسوط كده ليه
= ليه بتقولى كده
_ مش عارفه انا حاسه بكده
= لا بيتهيألك
_ انت لسه بتحب سارة
= لا ابدا اللى كان بينى وبين سارة مش حب تقدرى تقولى ارتياح او اعجاب لكن مش حب خالص
_ طب ليه رافض فكرة الجواز
= مين قال انى رافض ، انا بس مشغول فى الشركه ومش مركز فى الموضوع ده
_ يبقى انت لسه بتحب ياسمين
نظر إليها سعيد ولم يرد عليها
_ ساكت ليه ايه جيت على الجرح ولا انا غلط
= انا مش هكدب واقول انى مش بحب ياسمين بس دى علاقه مستحيله انها تتم
_ علشان رفضتك قبل كده ولا علشان اتخطبت لصاحبك
= علشان وافقت انها تكون سبب فى تفريق اتنين اصحاب
_ ازاى يعنى
= ياسمين كانت عارفه ان انا واسامه اكتر من مجرد اتنين اصحاب وبالرغم من كده وافقت على اسامه وهى متاكده ان الموافقه دى هتخسرنا بعض طول العمر ، يعنى اسامه لو مماتش كان زمانه متجوز ياسمين وكان هيخسرنى للأبد عارفه لو ياسمين رفضت اسامه زى ما رفضتنى كان اسامه فضل عايش وكنا هنتصالح انا وهو مع الأيام ومكانش حصلت كل المشاكل دى
_ كلامك الى حد ما منطقى بس انت فعلا كنت عاوز تصالح اسامه
= هتصدقينى لو قولتلك انى اصلا ماكنتش زعلان من اسامه
_ ازاى يعنى
= فى الاول كنت زعلان من اسامه لكن بعد ما سيبت البلد قعدت افكر مع نفسى وحطيت نفسى مكان اسامه وعرفت ليه اسامه عمل كده
_ عمل كدا ازاى يعنى مش فاهمة
= اسامه كان بيدور على مصلحته ، اسامه عاش طول عمره متدلع من ابوه وامه وكل طلباته اوامر غير قابله للنقاش ، شئ طبيعى انه يبقى انانى وميفكرش غير فى مصلحته ومش مهم اى حاجه تانى بس لما كبر وخلص جامعه وبقى عاطل زى شباب كتير مش لاقيه شغل ده غير ان ابوه رفض يبيع حتة ارض علشان يفتحله المشروع اللى كان بيحلم بيه ، ده غير ان مصطفى اتخرج من كلية الشرطه وبقى ظابط وشاف الناس بقيت تعامله ازاى ، الناس فى الاول كانت بتعامل مصطفى باحترام علشان هو ابن الحاج على العصار العمده لكن دلوقتى بيحترموه علشان بقى الظابط المهم ، ومن ناحيه تانيه كانت الناس فى البلد بتحبنى علشان كنت بساعدهم وواقف معاهم لكن اسامه محدش شايفه ولا مهتم بيه ، الناس تعرف ابوه وتحترمه ويعرفوا مصطفى ويعرفونى ويحترمونا لكن اسامه شفاف بالنسبالهم ، كل ده عمل عقده لأسامه وكان عاوز يعوض النقص اللى كان جواه وهو مش حاسس ، علشان كده مقدرش الوم اسامه على اى حاجه عملها ، اسامه كان مريض نفسى وكان واجب علينا اننا نعالجه
نظرت اليه مريم فى ابهار مما يقوله وما بداخله من سلام نفسي فاتبعت قائلة
_انت ازاى كده
= كده ازاى يعنى
_ بتلتمس الأعذار لكل الناس حتى اذاك
= علشان متصالح مع نفسى
_ انت عندك كمية سلام نفسى مش عند اى حد
= متبالغيش اوى كده
_ صدقنى مش ببالغ انا بتكلم بجد ، انت انسان مثالى زياده عن اللزوم وقلبك صافى زى اللبن الحليب
= ماشى يا ستى شكرا على المجامله ، يلا بينا بقى علشان الفيلم هيبدأ
_ ماشى يا سليم يلا بينا
مر اسبوع لم يحدث فيه شيئا الكل يجهز نفسه لتلك المناسبة فرح جابر وريهام ، سافر سعيد بصحبة بنات عمه ومعهم مصطفى صديقه وزوج لمياء ، بعدما وصلوا للبلد كان سعيد يريدهم ان يجلسو بمنزل قد أعده لهم ولكن الحاج على والد مصطفى اصر كل الأصرار على أن يجلسوا بمنزله وبفالعل هذا ما حدث
وفى اليوم التالى وهما جالسين على مائدة الطعام كانوا يتحدثون ، فكانت والدة مصطفى مهتمة كثيرا بلمياء نظرا لحملها وأنها سوف تأتى لها بأول حفيد فى عائلة الحاج على العصار قال لها مصطفى فى مزحة ..
_ جرى ايه يا امى هو مفيش غير لمياء اللى مرحبه بيها على فكره انا كمان ابنك وبقالى مده ماشوفتكش
= انت قلبى من جوه يا حبيبى
فرد عليها سعيد فى مداعبة
_ مش عارف ليه يا عمتى مش مصدقك
= هقوملك يا واد
_ لا خلاص الطيب احسن
= ايوه كده اتعدل
_ وحشتينى يا ست الكل والله
= انت كمان وحشتنى اوووى يا سعيد
رد عليه الحاج على
_ ايه اخبارك يا سعيد يابنى واخبار شغلك
= والله يا حاج كله ماشى تمام
فاتبعت والدة مصطفى
_ مقولتليش يا لمياء هتولدى امتى
لم تعرف ماذا تقول لمياء فتاهت فالكلام وقالت
= هاه قريب قريب
_ ايه هو اللى قريب ده
فأتبع سعيد فى داعبة اخرى
= متحرجيهاش يا عمتى بقى ، اصل هى مكسوفه ما تقولك انها مش عارفه فى الشهر الكام اصلا
_ هو ده كلام برضو
حاول مصطفى لملمة الامر وراء سعيد
_ سعيد بيهزر يا امى لمياء فى نص التاسع
فردت لمياء بكل تلقائية
_ ايه ده بجد
ضحكوا جميعا على ردها ثم اتبع مصطفى قائلا
_ الله يخرب بيتك اسكتى انا بستر عليكى
= خلاص ياعم ماتزوقش
رد عليهم الحاج على بعدها
_ ربنا يخليكم لبعض ديما
= ويخليك لينا يا حاج
ثم اتبع سعيد
_ مش هينوبنا حاجه احنا كمان من فقرة الأدعيه دى
= تصدق باللة انا لسه كنت هدعيلك بس انت ما تستاهلش
_ كده يا عمى ده انا حبيبك برضه
= على فكره يا مريم انا قرأت الروايه بتاعتك
فردت عليه مريم
وايه رأى حضرتك
_ بصراحه هى روايه جميله جدا بس مش شايفه انك مبالغه شويه مع الزفت ده ومطلعاه ملاك بجناحات
= ليه كده يا حاج هو انت شايفنى شيطان
فاكلمت مريم
= بالعكس يا عمى انا شايفه انى ظلمت سعيد وما اديتهوش حقه ، سعيد اطيب واحن من كده بكتير
_ قصدك سعيد ده
= ايوه يا عمى سعيد دا ، سعيد اللى حبنا بالرغم معاملتنا الوحشه ليه ، سعيد اللى وقف معانا برغم كل القرف اللى شافه مننا ، سعيد اللى مدلنا ايده فى الوقت اللى كنا بنقول عليه انه نصاب وحرامى وجاى طمعان فى فلوسنا ، سعيد انضف واطيب واحن من اى كلمه ممكن تتقال
نظر الحاج على بعدها إلى سعيد وقال
_ ايه الكلام ده كله ياعم سعيد
= هى مريم بتبالغ شويه
فردت عليهم شيرين بعدها
= لا يا سعيد مريم بتقول الحقيقه انا اكتر واحده كنت كرهاك من اول يوم شوفتك فيه بس اللى انت عملته معانا واللى شوفناه منك عرفنا قد ايه احنا كنا ظالمينك ، سامحنى يابن عمى معلش
_ علشان اسامحك لازم اكون زعلان منك وانا اصلا عمرى ما زعلت منك
رد عبيهم الحاج على قائلا
= كفايه جو الدراما ده ويلا بينا نتغدى
_ يااه انت لسه فاكر ده انا قولت ان احنا هنقضيها كلام ومش هناكل
= تصدق يا سعيد انت هتخلينى اطردك من البيت من غير غداء
_ طب اهون عليك يرضيك اخرج من بيتك من غير غداء
فاتبعت والدة مصطفى
= هو يقدر يعملها ده انت الغالى
_ ايوه كده يا عمتى يا مدلعانى
= حبيبى انت يا سعيد والله
_ طب يلا بينا ناكل بسرعه يلا علشان معايا مشوار مهم بعد الأكل
رد عليه مصطفى قايلا
= رايح فين
_ بعد الاكل هتعرف علشان انت كمان جاى معايا
= فهمنى بس رايحين فين
_ رايحين نسد الدين
= دين ايه ده انا مش فاهم حاجه
_ رايحين نزور الحاج عزت والحاجه فاطمه من يوم جنازة اسامه واحنا يعتبر مش بنزورهم
= عندك حق احنا مقصرين مع اهل اسامه
فرد عليه الحاج على تلك المرة
_ مش عارف اقولك ايه يا سعيد راجل يابنى ومن ضهر راجل
= تربيتك يا عمى
_ مخيبتش ظنى فيك من يوم ما ربيتك
= طب يلا بينا نتغدى علشان نلحق مشوارنا
_ يلا بينا
انتهزا من العذاء وذهب مصطفى وسعيد لكى يزورا الحاج عزت وزوجته الذى حينما رأهم كانما ردت إليه روحه واخذهم بالاحضان والسلامات وظل يحتضنهم حتى تعب واخذهم وجلسوا ، بعدها قال سعيد
_ سامحنى يا عمى لو كنت قصرت معاك انت وعمتى
= هو مين اللى يسامح مين يابنى
_ هو فى ابن يزعل من ابوه برضه ياحاج انت ابويا اللى اتربيت فى بيته وكنت دايما بتعتبرنى ابنك
رد عليه الحاج عزت فى ندم شديد
= ليه اسامه مطلعش زيك انت ومصطفى مش انتوا متربيين مع بعض
فاتبع مصطفى قائلا
_ انسى يا عمى كل اللى فات وخلينا نبدأ صفحه جديده
= هو النسيان ده حاجه ساهله يابنى
فرد عليه سعيد فى هدوء
_ مين قال ان النسيان حاجه ساهله بس احنا نقدر نتخطى كل حاجه مع بعض
فاكد كلامه مصطفى قبل ان يرد الحاج عزت
= بالظبط كده
_ عارفين يا ولاد انتوا النهارده رديتوا فيا الروح من تانى من يوم اللى حصل والناس فى البلد بتتجنبنى مفيش حد بيزورنى غير الحاج على ، الناس بتعاملنى على انى جرب خايفين يتعدوا منى
= متقولش كده يا عمى انت اشرف وانضف من كل اهل البلد ومسير الناس تفوق وترجع لعقلها
_ يخليك يا ابنى
ساله مصطفى عن الحاجة فاطمة
_ امال عمتى فين
= قاعده فى اوضة المرحوم من ساعة اللى حصل ومش بتخرج منها خالص
_ طب هى كويسه
=والله يا ابنى كل يوم بحال ، وقت تبقى كويسه ووقت تانى تعبانه
_ طب ممكن نشوفها
= طب تعالوا معايا
رد عليه سعبد
_ لا روح حضرتك وبلغها وبعد كده احنا جايين وراك
= تعالوا يا بنى انتوا مش اغراب وبعدين هى مش لوحدها
_ مين معاها
= امنيه بنت اخويا بتيجى تقضى معاها اليوم كله
_ طب كويس ان امنيه بتجيلها تقعد معاها
= تعالوا معايا
صعد مصطفى وسعيد إلى السام لكى يصلون إلى غرفة اسامة ، كان طوال الصعود والمشى بالمنزل ينظر سعيد ومصطفى إلى بعضهم يتزكرون زريات طفولتهم هذا المنزل الذى جمعهم ثلاثة ، هذا المنزل وهذه الغرفة التى تحتوى على اكثر من نصف زكرياتهم كانوا يتمالكون انفهم رغما عنهم فهم اتيين لكى يخففو وطاة الموقف على الحاجة فاطمة فلا ينبغى أن تنخر أعين احدا منهم ..
وصلوا إلى باب غرفة اسامة وبعدها دخل الحاج عزت بعدما طرق الباب ، وأبلغ الحاجة فاطمة أن هناك اناس غاليين يريدون الدخول وما أن وقفت لكى تعدل من هندامها وتعدل من هيئتها فنظرت للقادمين وجدت سعيد ومصطفى امطرت عيناها بالدموع وهى تركض بأتجاههم وتحتضنهم بشدة ، بكت كثيراً الحاجة فاطمة وهى تضم الاثنين إلى حضنها وتشكر الله على وجودهم امامها فى تلك اللحظة
حاول سعيد تهدئتها فقال
_ كفايه يا عمتى كفاية دموعك غالية أوى
نظرت اليه الحاجة فاطمة وقالت
= انا كنت متاكده ان ربنا مش هينسانى وهيعوضنى عن اللى راح منى
_ ايه اخبار صحتك يا عمتى
_ بقيت كويسه لما شوفتكم يا ابنى
نظر سعيد إلى امنية والقى عليها سلامه
= ازيك يا امنيه
_ الحمد لله كويسه انتوا اخباركم ايه انت ومصطفى وبنات عمك
= الحمد لله كويسين ايه اخبار الحاج كامل والدك
_ الحمد لله بخير بس مش غريبه ان انتوا جايين امبارح بليل
= وايه الغريب يعنى الحاج عزت ابويا والحاجه فاطمه امى واتربينا فى البيت ده
_ اصيل يا سعيد ، دى حاجه مش غريبه عليك
= ربنا يخليكى يارب يا امنية
اتبع بعدها مصطفى موجها كلامه للحاجة فاطمة
_ فوقى كده يا عمتى صحتك عندنا بالدنيا
= وهعمل بيها ايه صحتى دى
_ ايه اللى بتقوليه ده ، انتى مش عارفه غلاوتك عندنا ولا ايه
= انتوا اللى غاليين عندى أوى يابنى
_ ربنا يخليكى لينا ومايحرمنا منك
= صحيح ، مبروك يا مصطفى عرفت انك اتجوزت
_ ايوه يا عمتى اتجوزت بنت عم سعيد
= الف مبروك يا ابنى ، وياترى عروستك حلوه
_ حلوه وزى القمر كمان ، يوم كده ولا اتنين وهجيبها تسلم عليكى بس هى تعبانه شويه
= خير يابنى سلامتها
_ احنا وصلنا من القاهره الساعة ٢١ بليل والحمل تاعبها
= هى حامل كمان دا ايه الاخبار الحلوة دى ، الف مبروك يا حبيبى وربنا يفرحك دايما
_ تسلميلى يا عمتى
= وانت يا سعيد مش ناوى تتجوز ولا ايه
_ لا انا الموضوع ده مش فى دماغى دلوقتى
= ليه بتقول كده يا ابنى
_ انا كل تركيزى دلوقتى فى شغلى وبنات عمى ولما اتطمن عليهم ابقى اتجوز براحتى
= اسمع نصيحتى يا ابنى الشغل عمره ما هيخلص وبنات عمك عمر ما مشاكلهم ما هتخلص فوق لروحك قبل ما العمر يجرى بيك ومتلحقش تعيش حياتك الحياه قصيره واقصر مما تتخيل
ؤد عليها مصطفى قائلا
_ عندك حق يا عمتى انا بقالى كتير بكلمه فى الموضوع ده وهو ولا كأنه سامع منى حاجه
= لا يا سعيد لازم تفكر فى الكلام ده كويس وبعدين علشان تلحق تخلف عيل تفرح بيه ويبقالك عزوه
_ حاضر يا عمتى
= بس لما تخلف ياريت ماتدلعش ابنك بزياده وخليه راجل ، راجل بجد والكلام ده ليك يا مصطفى ربوا عيالكم وعلموهم صح وعلموهم يحبوا الناس ويحبوا الخير ، علم ابنك انه عايش وسط ناس مش فى غابه ، علم ابنك انه مايبقاش انانى كل همه مصلحته ، علمه ازاى يساعد الناس ، فاهمنى يا ولاد
_ فاهمينك يا عمتى