بدايه

الفصل الاول

اعشق وجودك في حياتي قد تاتي الاقدار وتكتب في حياتنا سطور من الحزن ولا نعلم متى حضرت سطور اخرى مسحت هذا الحزن وكتبت لنا الفرحه

هل هي روايه تتكرر كل يوم مع اشخاص مختلفين يلعب فيها القدر دور البطوله ونحن مجرد كومبارس او عرائس ماريونت يلعب بينا كيفما يشاء وها انا اخذ دور البطوله ولكن سوف اتغلب على قدري وابدا معكم حكايتي بعد ما تتعرفون على ابطالها
انا نور.. فتاه في العشرين من عمري عيوني زرقاء شعري طويل جدا و انا طالبه في كليه الهندسه قسم ميكانيكا

وليد. وهو اخي.. شاب في العشرين وهو توامي و طالب في كليه الهندسه معي بس هو جليس على كرسي متحرك وهذا اكثر شيء احزاني

والدي اسمه محمد وهو مات هو و والدتي في حادثه سياره و وكنت ابلغ من العمر سبع سنوات

عمي اسمه احمد شخصيه انانيه طماع اخذ كل ما تبقى لنا من مال من والدي رحمه الله

مرات عمي ميرفت امراه في قمه الغباء والانانيه وكانت الشعور بالكره والغيره من والدتي وكان هذا ظاهر في معاملتها لنا انا واخي

بنت عمي دعاء
ابن عمي فريد

البطل الاساسي في حكايتي وحكايتك قلبي الذي جعلني اعشق الحياه ادم عيون عسليه شعر طويل ناعم فتى طول بعرض كده زي ما بيقولوا بالبلدي هههههه ولكنه مستهتر مش بيهتم بدراسته وبابا عنده شركه كبيره لها سمعتها في السوق

جيهان وهي صاحبت ادم. طبعا نفسي شخصية ادم

وتبدا حكايتنا مع ظهور اشعه الشمس الذهبيه

وليد اصحي بقى يا نور هتتاخري على الجامعه

نور يا عم انت بتهزر النهارده ما انت عارف ان المحاضره النهارده اتلغت

وليد اهو يا ستي بطاطا جاب الفطار

نور طيب انا هاخذ شاور و ابدل ملابسي علشان انزل الورشه لان عندي عربيات كثير عايزه تصليح النهارده

وليد خلاص وانا هاروح افتح الباب ونحضر الفطار انا وبطاط علشان تفطري قبل ما تنزلي

نور خلاص وليد خرج وهي قعدت تفتكر ازاي هو كان بيجري ويلعب وهو صغير وبسبب كره واهمال امراه عمها اصبح مسجون داخل هذا الكرسي

نور حسبنا الله ونعم الوكيل فيك يا امراه عمي

وليد يلا يا نور الفطار هايبرد

نور حاضر وفعلا خرجت وفطرت انا هاشرب الشاي تحت بقى في الورشه علشان اتاخرت كده ونزلت نور
عند الحاج محمد صاحب الورشه الحاج محمد اللي شغاله عنده انا بس بشخصيه وليد اخويا

نور صباح القشطه يا حاج هات المفاتيح بتاعه الورشه

الحاج محمد ادخل يا ابني يا وليد افطر وبعد كده ننزل سوى

نور لا يا حاج الحمد لله انا فطرت بس ممكن نشرب الشاي تحت سوا افطر انت وانا هانزل اروق الدنيا تحت

الحاج محمد ماشي وادي له المفاتيح وبعد فتره نزل الحاج محمد ودخلت عليهم عربيه من الاخر

الحاج محمد. وليد يا ابني شوف العربيه اللي داخله دي فيها ايه
نور اللي هي عامله شخصيه وليد. حاضر يا اسطى

نور بتكلم نفسها. . اوبا ايه العربيه اللي على الاخر دي يا ترى فيك ايه يا بطه هههه شكلها هتبقى اصطباحه ورد

ادم.. انت يا ولد شغلنا العربيه دي باي حاجه لغايه اما اوديها التوكيل

نور. صل على اللى هيشفع فيك 10 دقائق اعرفلك اللي فيها ورجعها لك عروسه

ادم. خلص بس يلا

نور.. بتكلم نفسها..ينعن ابو شكلك انت فاكرنا ايه هواحنا عبيد عند اهلكم

جيهان.. ايه يا ادم كنا ركبنا تاكسي ولا اتصلنا بيهم بعثه لنا عربيه بدال المكان الزباله ده واقفين في وسط العالم المقرفه

وادم قاعد يتكلم في التليفون ومش واخد باله

وجيهان رايحه تجيب التليفون بتاعها من الشنطه الموجوده في العربيه

ونور موطيه بتشوف العربيه وراحت خبطه في جيهان

جيهان. انت يا حيوان انت بتتحرش بي بتحاول تلمسني انت عارف انا مين هاقول لك ايه انت بنى ادم زباله شغال في مكان زباله في منطقه زباله

ونور شغاله في العربيه ومش عارفه هي بتكلمها ولا بتكلم مين
وليد اللي هو نور. انا جئت جنبك يا بنت ولا انت مش واخذه بالك ولا علشان لابسه اللي متعري اكثر من اللي مداري هنبص يعني
جيهان. انت بترد علي يا حيوان

الحاج محمد. معلش يا بنتي ما يقصد حاجه اكيد ما خدش باله
جيهان بنتك مين يا راجل يا اهبل انت

وليد اللي هي نور. انتي كمان بتشتم الراجل الكبير اللي زي ابوك انت فعلا عايزه تتربى من جديد

ادم.. انت بتقول لها ايه يا حيوان وراح ضارب نور بالقلم

نور..... راحت ضربه بالبوكس في وشه راحت شفايف اتعورت
ادم كان لسه هيضربها ثاني راحت.نور ضربه الضربه القاضيه
والحاج محمد تدخل لفك بينهم معلش يا باشا معلش

وادم.. اه يا زباله وراح شد الطاقيه بتاعه نور وهنا بان شعرها الحقيقي وعرفوا كلهم انه بنت

ادم انت بنت طب وليه بتعملي كده بتتحرش بها

نور اديك قلت اني بنت يعني زي زيها اتحرش بيها ايه الهبله دي هي فاكره نفسها مين
جيهان. زي زيك ايه يا معفنه شوف شكلك عامل ازاي ويديك وهدومك انت عباره عن كتله الزفت شحم اي حاجه من اللي على هدوم ولا ريحتك عامله زي ريحه البنزين
نور. اصل انا ما عنديش بابي ومامي وباكل من عرق جبيني ومش فاضيه احط المناكير ولا اروح للدكتور انفخ شفايفي ويا عالم نفخين ايه ثاني ريحه البنزين طبيعي يا حبيبتي مش انا شغاله ميكانيكي

كل دي وادم سرحان في شعر نور ولونه الجميل وطوله اللي واصل لبعد ركبتها

ادم هو انت بتسرحيه ازاي اكيد بتروحي الكوافير

نور. هو ايه ده ايه يا عم

ادم . شعرك اصل عمري ما شفت بنت سايبه شعرها طويل كده ولادي باروكه

جيهان. بنت ايه ما تقولش بنت مش شايف هي عامله ازاي

نور. والله اللي يدور عليكي يلاقيكي كلك على بعضك صناعي

انما احنا يا ماما طبيعي وراحت جابت شعرها على ظهرها وباروكه ايه يا عم

ادم. لا فعلا كله طبيعي وحلو كمان حتى لون عينيك ولا لينسيز

جيهان.. انت بتقول ايه انت شايف وشك عملته لك ازاي دي متوحشه

وهنا ادم افتكر الضرب وشفته المتعوره المزرق بس ضحك من جواه

ادم خلاص يا جيجي اهدي انتي بس اشتغل يا اسطى

نور طيب ممكن بقى تركن يا باشا على جنب انت والانسه تقعد على الكراسي اللي هناك علشان اعرف اشوف شغل يعني كان نفسنا نجيب لكم حاجه تشربوها بس اكيد الانسه بتقرف

وادم بيضحك على اسلوبها وجيجي بتبصلها بقرف
ونور صلحت العربيه دور يا باشا بس وحياه ابوك سمي

ادم.. لا الله ينور عليك يا برنس هههههههه

ونور لسه هتقول له الحساب كم راح ادم رامي الفلوس في الارض اظن كده يكفيك وكان هيمشي

راحت نور شايله الفلوس من الارض استني يا باشا اولا النعمه ما ترميها على الارض علشان ما تزول خذ يا باشا وراحت ماسكه ايدي وحطت فيها الفلوس خليها علينا المره دي واعتبرها ثمان الضربه اللي في وشك وسابته مشيت عالم فاكره نفسها انها فوق الكل الله كبير

ادم....يا بنت الكلب والله لا رد لك بدل الحركه دي 100 هخليك تيجي ركعه تحت رجلي كده وهنشوف لا انا لا انتي

وهنا الحاج محمد صاحب الورشه تعال هنا يا وليد ولا انتي ايه بالضبط
نور. انا هحكي لك الحكايه كلها يا حاج بس خليك في اعتبارك انت عمرك ما شفت حاجه وحشه مني من ساعه ما جيت اشتغلت عندك هنا في الورشه او سكنت عندك في الاوضه بتاعه السطوح انا واخويا

الحاج محمد. الشهاده لله لا ما فيش الا الكذب بتاعه البنت دي

نور. بس اطلع فوق الاول اطمئن على وليد واعشيه وهانزل عند الحاجه بالليل واحكي لك انت و هي الحكايه

الحاجه محمد. خلاص يا بنتي اطلعي وانا هستناك بالليل انا والحاجه

وطلعت نور عند اخوها وليد

نور.. معلش يا قلبي اتاخرت عليك والله كان في شغل كثير في الورشه النهارده ثواني احط الاكل على النار واخذ شاور واحضر لك العشاء

وليد .لا يا ستي انا اللي حضرت العشاء كنت مستنيك خذ الشاور وتعالى يلا عشان نتعشى سوا

نور. .ثاني يا وليد انا مش قلت لك ما تحضرش الاكله انا هابقى حضروا

وليد .على فكره انا محضرتوش لوحدي الولد بطاطا حضروا معي وطبعا اخذ نصيبه من اللحمه وماشي

نور. والله وبطاطا ده بينفعنا في حاجات كثير واديته نصيب امه ولا نسيت

وليد. ..لا طبعا اديته نصيب امه انا لا يمكن انسى حاجه زي كده
وليد. . في ايه يا نور شكلك مش مريحني

نور .ما فيش بس كان شغل كثير وانا النهارده على فكره هاقول للحاج محمد حقيقتنا

وليد .خلاص اللي يريحك يا نور انا عارف ان انا حامل تقيله عليكي
نور .ما تقولش كده طيب هو انا لولا ك كنت هاعرف انجح في الكليه ده انت يا عم بتشرح لي ولا اكنك دكتور في الجامعه

وليد.. نفسي والله يا نور ابقى معيد في الجامعه بس مش عارف هيرضى يعينه واحد عادي زي

نور. ان شاء الله هتتعين و كلها يا عم سنتين ونخلص بقى

وليد. بس ايه اللي خلاك عايزه تحكي الحقيقه للحاج

نور. ما فيش وانا شغاله وقعت الطاقيه من على راسي و بان شعري وعارف ان انا بنت

وليد. هو انا مش مقتنع بكلامك وحاسس ان في سبب ثاني بس هنعديها المره دي مش عايزك تنسى ان احنا توام يعني بنحس بعض يوم ما بنكذب

نور. و مش عايزاك تنسى ان انا الكبيره سبع دقائق مش قليلين صح هههههه
وليد. ماشي يا كبيره خلصي بقى علشان تلحقي تذاكري
نور.. ماظنش النهارده هذاكر ذاكر انت عقبال ما انزل تحت وارجع
وليد. ماشي يا نور خلصي كلامك مع الحاج واطلعي علشان تلحقي تنامي علشان الجامعه بكره

نزلت نور عند الحاج محمد وامراته

الحاجه. معقول يا نور تعرفي تخبي علينا السنين دي كلها ان انتي بنت
انا مستغرب اني ولا مره حسيت انك بنت كنت شايفاك ولد جميل بس
نور طيب حضرتك هتعرفي ازاي انا نفسي نسيت اني بنت كل لحظه بتعدي علي لازم افكر نفسي اني ولد اني اقدر اني اساعد وليد و اني في يوم من الايام ارجع ورشه ابويا وشقتنا القديمه اللي فيها كل ذكرياتنا