الفصل السادس

رد عليها مصطفى غير مصدقا
_ انتى يا شيرين
= ايوا انا الوحيده اللى عارفه طريق سعيد علشان انا اللى هربته من البوليس وانا اللى مخبياه
_ طب ليه مقولتيش كده من الأول
= كان لازم اتأكد الاول انه هيخرج من القضيه دى الأول لأنى مش هضحى بابن عمى مهما حصل
_ طب سعيد فين دلوقتى
= تعالوا معايا


فلاش بالك للوقت الذى اختفى فيه سعيد

كان سعيد جالسا بالمكتب بالشركة وفجأة رن هاتفه من رقم غريب رد سعيد على هاتفه
_ ايوا مين معايا
= انا شيرين
_ غريبه اول مره تطلبينى من يوم ما عرفتك
= انا واقعه فى مصيبه ومفيش غيرك قصادى
_ خير فى ايه
= تعالالى دلوقتى حالا
_ انتى فى الفيلا
= لا انا خرجت من الفيل ووقافة بعدها بشوية ، ارجوك يا سعيد تعالى دلوقتى حالا
_ مسافة السكه واكون عندك بس متتحركيش من مكانك

تحرك سعيد سريعا ذاهبا إلى شيرين ولم يقل لأحدا شيئا ، ركب سعيد سيارته واتجه مسرعا وحينما رأى سيارة شيرين وقف خلفها ونزل من السيارة وركب بجوارها ثم اتبع
_ ايه يا شيرين في ايه
= عايز تعرف فى ايه ، انا هقولك دلوقتى

فجأة أمسكت شيرين بمسدس كان بجوارها ولم يلحظه سعيد ووجهته بصوب وجهه
_ انتى اتجننتى ايه اللى بتعمليه ده
= لازم اخد بتارى منك
_ انا ليه هو انا قتلتلك حد
= قتلت بابا
_ انتى اكيد اتجننتى ازاى انا اقتل عمى
= عادى علشان تورث
_ انا اصلا مكنتش اعرف موضوع الورث ده غير بعد موت عمى وانا يادوب شوفت عمى ساعة المستشفى وبعدها بأسبوع كان ميت ووقت الحادثه دى انا كنت فى شقة مصطفى والمتر شريف يشهد على كلامى
= امال البوليس بيتهمك ليه بقتل بابا
_ بوليس ايه اللى بيتهمنى ده
= من نص ساعه قوه جات الفيلا علشان تقبض عليك بتهمة قتل اسامه وبابا
_ ايه التخريف ده
= دافع عن نفسك يا اما هقتلك دلوقتى بنفسى
_ انا خلاص تعبت ومش قادر يلا اقتلينى وريحينى من الدنيا اللى رافضه تخلينى اعيش يوم حلو من يوم ما اتولدت ، اقتلينى واقسملك مش هقاوم وهموت فى سلام لو قتل باباكى دافع انك تقتلينى فاتا بعترف انى قتلت عمى ، اقتلينى يلا وريحينى اقولك على فكره احسن خدى ده مسدسى واقتلينى بيه علشان تبان انتحار ومحدش هيراجع لأنهم هيلاقوا الف سبب لانتحارى واحد قتل صاحبه وعمه ولما حس انه اتكشف راح انتحر والموظفين فى الشركه هيشهدوا انى خرجت اجرى قبل البوليس ما يوصل يعنى كل الأدله فى صفك انتى مش باقى غير انى اركب عربيتى علشان تبقى حادثة انتحار متكامله
= ايه الإستسلام اللى بتتكلم بيه ده
_ خلاص مبقاش عندى طاقه ادافع بيها عن نفسى
= فى حاجه جوايا عاوزه تصدق انك مظلوم
_ اوعى تصدقيها
= انا خلاص مبقاش عندى ثقه فى اى حد ولا حتى نفسى
_ انا قدامك اهو مستسلم واعملى اللى هيريحك
= بابا كان دايما يقولى قلبك صافى وشفاف ولو احترتى فى حاجتين حكمى قلبك وانا فى حاجه فى قلبى مصدقاك علشان كده انا مش هقتلك دلوقتى ومش هسلمك للشرطه
_ امال هتعملى ايه
= هخبيك لحد ما اشوف نتيجة التحقيقات
_ انا عاوز اسلم نفسى للشرطه
= انت من دلوقتى هتسمع كلامى من غير نقاش
_ ماشى طب هنروح فين دلوقتى
= هنروح شقة واحده صاحبتى مسافره بره مصر وكانت مأجره شقتها واللى كان ساكن فيها سابها وانا اخدت مفاتيحها
_ زى ماتحبى
اخذته شيرين وذهبت به إلى شقة صديقتها وجلس بها ولم يخرج منها ابدا ظل محبوس بها وكل طلباته كان يأتى له بها البواب حتى شيرين لم تزوره كانوا يتحدثون هاتفيا فقط

عودة للمشهد الحالى

وصلوا جميعهم إلى الشقة وطرقوا الباب كان سعيد يجلس بالداخل وحينما سمع صوت طرقات كثيرة على الباب علم ان هناك اشخاص كثيرة بالخارج فلم يرد على الطرقات وأبى أن يفتح الباب ، ثم سمع هاتفه يرن كانت شيرين فرد عليها ..

_ ايوا يا شيرين
= افتح الباب
_ هو انتى اللى بتخطبى
= ايوا افتح بقى

قام سعيد ليفتح الباب فوجد امامه المتر شريف ومصطفى صديقه ومعهم مريم ولمياء وشيرين ، فجأة ارتمت بنات عمه فى احضانه فتفاجئ سعيد من تلك الفعل ولكن على رطيقته المعتادة حاول مداعبتهم بالكلام
_ هو انا هموت خلاص ولا ايه الحكايه
ردت عليه لمياء قائلة
= بعد الشر عليك
_ امال ايه اللى حصل فى الدنيا
فأتبعت شيرين قائلة
= عرفنا انك ابن عمنا وضهرنا وسندنا فى الدنيا وملناش حد بعدك
نظر سعيد للمتر شريف وقال
_ ايه فى يا متر
= خلاص يا سعيد الحقيقه ظهرت
_ حقيقى الكلام ده يا مصطفى
= ايوا يا سعيد وعرفنا مين اللى قتل اسامه وعمك
_ مين اللى عمل كده
= الجماعه بتوع المنصوريه ومعاهم الدكتور عاصم الشناوى
_ انت بتتكلم بجد
= ايوه بتكلم بجد وخلاص اتقبض عليهم
_ اخيرا الهم ده اتزاح
= باقى حاجه اخيره عاوز اعرفها
_ انا هريحك واقولك انت عاوز تعرف ايه انت عاوز تعرف ايه اللى خلانى اروح لأسامه فى الليله اللى مات فيها
= ايوه
_ وانا هريحك ، بعد ما نزلت البلد معاك وقت ما اتقبض على الحاج على يومها سبتك فى البيت وروحت اتمشى فى البلد واعرف ايه اللى حصل فى البلد بعد ماسبتها روحت القهوه وقابلت صبحى القهوجى وحكالى كل اللى اسامه عمله بعدها رجعت البيت وقعدت مع نفسى وتانى يوم وانا بتمشى فى الشارع قابلت اسامه واتخانقت معاه والبلد كلها اتفرجت علينا وهددته بالقتل
= انا عارف كل الكلام ده
_ سيبنى اكمل للأخر
= كمل يا سعيد طيب
_ بعد الخناقه دى روحتلك البيت علشان اعرف عملت ايه مع والدك وصدمتنى لما قولت ان النيابه امرت بحبسه على ذمة القضيه وان انت كمان اتوقفت عن العمل بسبب قضية ابوك بعدها سبتك ورجعت البيت وقعدت مع نفسى وافتكرت كل ذكرياتنا مع بعض انا وانت واسامه وقد ايه كنا بنخاف على بعض وواقفين فى ضهر بعض وعمرنا ما غدرنا ببعض قولت ليه اسامه اتحول لوحش مستعد يدوس على اى حد فى طريقه ومهمهوش اصحاب عمره وقتها قررت ان مينفعش اهرب تانى ولازم اواجه اخدت مسدسى وروحت لأسامه البيت علشان اهدده لانى كنت متأكد ان هو اللى السبب فى اللى حصل للحاج على ، بس اللى حصل انى وصلت بيت اسامه بعد فوات الأوان
= كان اتقتل
_ ايوه كان اتضرب بالنار بس لسه فيه الروح حاولت انقذه بس مكانش ممكن لأنه مات على ايدى وقتها مع الصدمه مكنتش عارف اعمل اى حاجه خرجت اجرى من بيت اسامه ولما وصلت بيتى ماخدتش بالى ان مسدسى وقع منى وانا بجرى ماكتشفتش اللى حصل ده غير فى النيابه ووقتها كان لازم انكر انى روحت بيت اسامه علشان لو قولت يبقى هلبس القضيه ظلم
= طب ليه مقولتليش على اللى حصل
_ كنت هتشك فيا اكيد زى ما حصل لما كلمتك بعد ما استخبيت هنا فاكر انت سالتنى وقولتلى ايه قولتى بجد انت برئ من قتل اسامه وزى برضه ما شكيت فى انى بتعامل مع احمد الحارونى وراقبتنى انت وابراهيم حتى تليفوناتى راقبتوها
= سامحنى يا صاحبى
_ انا مش زعلان منك ومقدر كل ده
ثم ردت عليه مريم
= سامحنى انا كمان يا سعيد
_ اسامحك على ايه
= علشان كنت سخيفه معاك وانت كل همك تسعدنى احنا عرفنا انك انت اللى اشتريت الروايات بتاعتى من السوق علشان تحقق مبيعات ولما جيت تباركلى عاملتك بطريقه وحشه
_ انا مش زعلان منك مهما عملتى فيا وبعدين ده كان وعدى لعمى انى اوقف معاكم واحميكم
فأتبعت شيرين قائلة
= وانا كمان يا سعيد ياريت تسامحنى انا كنت اسخف واحده معاك
_ حد يزعل من واحده مجنونه زيك
= انا برضه مجنونه ، ماشى ياسيدى هعديهالك المره دى
ضحك سعيد على رد فعلها ، ثم أتبعت لمياء قايلة
= أنت ليه اتنازلت عن ميراثك لينا
_ عرفتوا من فين الموضوع ده
= البوليس لما فتح الخزنه بتاعتك لقينا وقتها التنازل
_ انا قولتلكم من الأول انى مش عاوز فلوس ولا ورث انا عاوزكم انتوا الفلوس عمرها مكانت فى اهتماماتى انتوا ورثى الحقيقى انا يكفينى شغلانه بسيطه فى الشركه بمرتب وساعتها هبقى اسعد انسان فى الدنيا
فردت مريم معترضة
= مفيش الكلام ده
_ يعنى ايه
= انا واخواتى اخدنا قرار كل فلوسك فى ورث عمك هترجعلك ياريت يا اونكل تشوف كل الإجراءات المطلوبه علشان نرجع لسعيد كل فلوسه تغور فى داهيه الفلوس اللى تفرقنا عن بعض
فرد المتر شريف
= من بكره هبدأ فى الإجراءات
ثم اتبعت لمياء
= وانا من بكره هرجع افتح عيادتى تانى زى ما كنت بتقولى
_ ده ايه الخبر الحلو دا
وبعدها شيرين
= وانا من بكره هرجع الجامعه وارجت من تانى اهتم بدراستى
_ ايه كل الأخبار الحلوه دى
ثم مريم قالت
= انا من بكره هشوفلى شغلانه اعملها غير الروايات اللى انت الوحيد اللى بتشتريها
_ اوعى تعملى كده انا قرأت الروايتين بتوعك وعجيونى جدا وهزعل اووووى لو بطلتى كتابه انا فى الفتره اللى كنت محبوس فيها هنا فى الشقه دى كانت تسليتى الوحيده الروايات بتاعتك
= انا مش حاسه انى هقدر اعمل حاجه تانى
فردت عليها لمياء
= لا تقدرى انتى ناسيه للسعادة قانون ظالم مش بابا كان متحمس اوى ليها وكان عاوز ينشرها على حسابه
= بس لازم اخد اذن صاحبها الأول
_ قوليلى مين صاحبها وانا مستعد اترجاه علشان يسمحلك
= انت صاحب الروايه الحقيقى يا سعيد لما لاقيتنا محتاجين وقفت جمبنا قدمتلنا السعاده من غير مقابل
_ وانا موافق طالما هتكتبيلنا روايه تجنن
= ايوه روايه تجنن وانت بس اللى تشتريها
_ المره دى مش هشتريها لانى هاخد نسخه منك عليها اهداء خاص بيا
= خلاص انا هبدأ كتابه فيها من بكره بس فضيلى نفسك ساعه كل يوم علشان تجاوبنى على كل استفساراتى
_ انا مستعد افضيلك نفسى اليوم كله بس اشوف نظرة الأمل دى فى عيونك
أتبع بعدها المتر شريف قائلا
= طب يلا بينا من هنا علشان نروح النيابه ونخلص الموضوع
_ يلا بينا يا متر
خرجوا جميعا من الشقة وذهبوا إلى النيابة واخذوا شهادة سعيد كاملة وبعدها رجعوا إلى الفيلا مرة اخرى

من ناحية أخرى بالبلد كانت ياسمين تردتى ملابسها وتنوى الخروج من الفيلا فأوقفتها والدتها وسألتها
_ انتى رايحه فبن
= رايحه اشوف ابويا المحامى كلمنى وجابلى تصريح علشان ازوره
_ استنى انا جايه معاكى
= لا خليكى انا رايحه لوحدى
_ انتى ليه بتعاملينى وحش كده
= سبينى فى حالى
_ انتى ليه قتلتى اسامه
= كان لازم يموت .... وانتى كمان لازم تموتى زيه
_ ليه انا عملت ايه
= انا عرفت كل حاجه وشوفت اتفاقك مع اسامة و عرفت القرف اللى كنتى بتعمليه وخلاه يتحكم فيكى كدا
نظرت إليها نعمة ولم تنطق بحرف ووضعت رأسها بالأرض
= ساكته يعنى ، اللى زيك ميتكلمش اصلا

تركتها ياسمين وخرجت من الفيلا وذهب إلى السجن وبعدما قدمت تصريح الزيارة وأتى لها والدها وجلست معه
_ ازيك يا بابا
= انا كويس طمنينى عليكى يا حبيبتى
_ الدنيا وحشه اوووى من غيرك
= سامحينى يابنتى
_ مسمحاك يا بابا
= انا عاوزك فى حاجه مهمه انا كتبت كل فلوسى واملاكى بأسمك عاوزك تبيعى كل حاجه وتسافرى والمحامى بتاعى هيتابع معاكى كل حاجه وهيخرجلك الفلوس بره مصر
_ ليه كده يا بابا
= لازم ده يحصل قبل ما الحكومه تحط ايدها على الفلوس بعد ما تبيعى كل حاجه المحامى هيحولك كل الفلوس بره مصر فى حسابات موجوده بأسمك هناك وفيها معظم فلوسى عاوزك تاخدى امك وتسافروا
_ ونسيبك هنا لوحدك
= انا خلاص مش هخرج من السجن غير على قبرى
_ ابوس ايدك يا بابا متقولش كده
= انا غلطت كتير وجيه وقت الحساب وانا حسابى تقيل اووووى فى حاجه كمان عاوزها منك
_ عاوز ايه يا بابا
= مش عاوزك تيجى تزورينى تانى
_ ليه كده يا بابا
= ابوس ايدك يا ياسمين متجيش تانى ولما اموت المحامى هيبلغك
_ كفايه يا بابا ارجوك
= يلا امشى دلوقتى والمحامى هيكلمك علشان تخلصوا كل حاجه
_ سيبنى معاك شويه
= لا كفايه كده يلا امشى

خرجت ياسمين من السجن وذهب الى الفيلا

على الجانب الأخر ذهب أحمد الحارونى لزيارة عمه سعد بالسجن الذى حينما رأه تحدث معه بلهجة كلها عداء وكراهية
_ ايه اللى جابك
= جيت عشان عاوز اعرف انت ليه عملت كده
_ وتعرف ليه كفايه عليك انك احمد الحارونى اللى مفيش حاجه تهزمه
= انا مش فاهم عملتلك ايه لكل ده
_ لا ولا حاجه يادوب شوية حاجات بسيطه يادوب ابوك وعمك خلوك كبير العيله مع ان انا احق واحد بيها بعد ابويا ، ابويا اللى انت ومراتك قتلتوه بقيت متحكم فى العيله كلها واولهم عيالى بقينا كلنا شغالين عندك بقيت تؤمر وامرك يطاع مش ناقص غير انك تقول انا ربكم الأعلى وجاى دلوقتى عاوز تعرف انا عملت كده ليه
_ انا مكنتش اعرف انك بتكرهنى اووووى كده انا اللى طول عمرى بعتبرك ابويا التانى وصاحبى زمان وانا عيل صغير لما كنت اعمل مصيبه واخاف من ابويا كنت اجرى عليك علشان عارف انك هتحمينى كانوا دايما بيقولوا ان الخال والد وانا اعتبرتك ابويا وانا كمان يا ما داريت عليك فى مصايب كتير كنت بتعملها وايه كبير العيله اللى انت بتقول عليها دى انا بقيت كبير العيله من بعد عمى اللى هو كان كبير العيله ولما بقيت كبير العيله استأذنتك فيها وانت ماعترضتش موظفين ايه اللى انا بعاملكم زيهم هو فيه موظف بياخد نسبه من اسهم الشركه الفلوس اللى اخدتوها دى كلها فلوسى انا ، انا اللى عملت الفلوس دى وانا اللى لميت العيله بعد ما كانت متفرقه فى الوقت اللى انت كنت فيه غرقان وسط الحريم ومش بتعمل حاجه غير انك عايش لنزواتك وابوك اللى جاى تقول عليا انى قتلته انت مش عارف ابوك عمل فيا ايه ابوك ده دمر حياتى وكان عاوز يقتل ابنى خساره يا خالى مكانش نفسى تخلص كده انت عارف ان العيله كلها رافضين يزوروك ومراتك طالبه الطلاق
_ عادى كلهم بتوع مصلحتهم وانا اللى مش عاوز حد فيهم ومراتى طالق
= للدرجه دى بايعنا
_ لان محدش فيكم اشترانى بس صدقنى لسه مخلصتش ومتفتكرش ان خيوط اللعبه لسه فى ايدك خيوط اللعبه فرطت من ايدك خلاص ونهايتك قربت
= مع السلامه يا خالى

هم أحمد للخروج وتركه وحده ثم عاد إلى القصر الخاص به مرة اخرى